又到一年一度的世界女排大獎，我已經早於一個月前買左飛，係$120呀，比起前年優惠價$10真係好唔同！賽事由星期五打到星期日，星期五同星期六去左肥姑姐屋企睇波！

星期日，早左半粒鐘入場，之後又出番去買紀念品！好興奮……………

頭場日本 vs 古巴，坐係前面的日籍家庭睇得咬牙切齒，可惜小妹妹已訓著了！咁嘈都訓到……最後技高一籌的古巴 3 : 1勝出，成為香港站季軍。

壓軸係中國 vs 意大利，呢場真係值回票價，因為球星多的是，兩隊打哂主力，十足十奧運決賽，又緊張刺激，最重要係打滿五局。最後國家隊 3 : 2 反勝意大利隊！ 成為香港站冠軍。 大家唔好睇少意大利隊，來勢洶洶，係京奧奪冠熱門之一。

之後睇埋 Prize - giving ceremony ，薛明攞最佳 blocker 呀，超開心！趙蕊蕊成為 MVP (Most Valuable Player) ，實至明歸。

完哂我地係紅館門口做小球迷，揮手歡送球隊，超唔捨得！希望出年再來香港！

怪事一：星期六係 Sanna 屋企睇波時，阿肥 cheryl 打黎話呀嫲見到 Sanna (肥姑姐) 係現場 "Owl"頭，明明係電視機前面，咁呀嫲究竟見到邊個 "Owl" 頭，呢個係一個 — 迷。

怪事二：睇完波，肥姑姐話夜晚發夢見到趙蕊蕊，仲話聽得明你講咩。 唔係呀話？？聽得明？？話說佢去上海旅行，個 gip 爛左，就用d聽落似普通話之語言，我地簡稱為火星話，同d地勤人員講：「爛 (發音：冷 《冷衫》)咗！」‧咁大家認為趙蕊蕊真係聽得明？此乃怪事二。

珮琪是我補習社一位六年級的女生，扎了兩條孖辮，常常笑!是我一位可愛的學生。今天是佩琪最後一天番補習社，因為暑期她會舉家移民到澳洲，過全新的生活。

珮琪雖然總是與浩文傾計，吱吱喳喳咁，不過佢又真係成個傻大姐，咩都笑一餐，真係幾佩服佢!有佢係補習社時間都過得快d無咁悶!有一次對佢速率d數，甚麼一秒跑十幾公里，即使我數學幾差都知錯啦，咪話唔通個人識飛咩，就係咁佢就笑足半天。或許這就是小朋友，笑—笑—笑—笑!

昨日我復工大日子，又對住六年級的朋友，佩琪就同我講某天早上見到我番學，連我著咩色衫都記得，之後又係到笑！今天我離開時，佩琪同我講：「拜拜啦阿Sir！」我只好同佢講：「再見！俾心機！」

今日一別，唔知幾時才能再會，或許佩琪會忘記我呢位小老師，但我不會忘記妳的笑臉！因為妳是我第一位移民的學生！祝妳澳洲生活愉快!